कोडले बुनेका सपना, संसारै बदलिन्छ है,
प्रविधिले दिएको उपहार, जीवनै सजिन्छ है।
नेटवर्कले जोड्यो गाउँ, सहर बन्छ उज्यालो,
ज्ञानको किरणले अब, अन्धकार मेटिन्छ है।
स्मार्ट युगमा बाँधिएर, विश्व हातैभित्र छ,
डिजिटल युग आयो जब, सब थोक सहजिन्छ है।
डाटा राख्न होसियारी, सुरक्षित बनाऊँ है,
एक गल्तीले जब, ठूलो संकट देखिन्छ है।
आईटीले रोजगारी, बाटा नयाँ खोलिदियो,
संसारै बदल्ने शक्ति, प्रविधिमा देखिन्छ है।
......Mahesh Raj Joshi ....
यस अनुसार कम्पनीको नाम ईसेवा प्रालिबाट ईसेवा लिमिटेडमा परिवर्तन भएका कारण कम्पनीको विवरण डीयूएनएस (डेटा युनिभर्सनल नम्बरिङ सिस्टम)मा अपडेट भइरहेको छ । यसैकारण ईसेवा एप अस्थायी रूपमा प्लेस्टोरमा उपलब्ध नभएको कम्पनीले उल्लेख गरेको छ ।
"ईसेवा प्रालि केही समयअघि ईसेवा लिमिटेड भएसँगै, उक्त विवरण DUNS (Data Universal Numbering System) मा अपडेट गर्ने क्रममा रहेका छौं । त्यसैकारण ईसेवा एप केही समयको लागि अस्थायी रुपमा प्लेस्टोरमा उपलब्ध नहुने व्यहोरा जानकारी गराउन चाहन्छौं," सूचनामा भनिएको छ ।
डाउनलोड भइसकेका एपहरू भने सामान्य रूपमा काम गरिरहेको तथा आईओएस प्रयोगकर्ताहरूलाई यसले कुनै समस्या नपारेको कम्पनीले जनाएको छ ।
"यसबाट पर्न जाने असुविधाको लागि हामी क्षमाप्रार्थी छौं र तपाईंको धैर्यधारण र सहयोगको अपेक्षा गर्दछौं," कम्पनीले सूचनामा भनेको छ ।
बझाङ्ग । नेपालको प्रमुख डिजिटल वालेट तथा भुक्तानी सेवा प्रदायक कम्पनी ईसेवाले अब क्यूआर कोडसँगै साउण्ड बक्स समेत उपलब्ध गराउने भएको छ । वालेटबाट रकम काटिंदा भुक्तानी सफल भए नभएको थाहा पाउन समस्या हुने भएपछि कम्पनीले साउण्ड बक्स समेत उपलब्ध गराउने भएको हो ।
कम्पनीका अनुसार साउण्ड बक्सका लागि नेपालकै अर्को प्रविधि कम्पनी यार्सा टेकसँग सहकार्य गरिएको छ । यार्साले बनाएका साउण्ड बक्सको अग्र भागमा क्यूआर कोड राखिनेछ ।
फोनपे तथा ईसेवा समेतको माउ कम्पनी एफवन सफ्टका प्रमुख कार्यकारी अधिकृत (सीईओ) सुवाश शर्माले ट्विटर (हालको एक्स) मा एक भिडिओ शेयर गरेका छन् । जसमा उनले उत्साहित हुँदै ईसेवाले फोनपे क्यूआरका लागि साउण्ड बक्स सुरु गरिरहेको जानकारी दिएका छन् । सँगै पोस्ट गरिएको छोटो भिडिओमा साउण्डबक्सको अगाडि भागमा ईसेवाले उपलब्ध गराएको फोनपे क्यूआर राखिएको छ । उक्त क्यूआरमा वालेट तथा मोबाइल बैंकिङ एपबाट स्क्यान गरी भुक्तानी गर्दा साउण्ड बक्सले रिङटोनसँगै भुक्तानी प्राप्त भएको जानकारी रकम बोलेरै दिने गर्छ ।
ईसेवाको कार्यालय नजिकै रहेको हिमालयन जाभामा साउण्ड बक्स सहितको क्यूआर कोड परीक्षण गरिएको हो । उक्त परीक्षण सफल भएको र कम्पनीले अब चाँडै नै मर्चेन्टहरूलाई उपलब्ध गराउने बुझिएको छ ।
तर साउण्ड बक्स सहितको क्यूआर कोडका लागि लाग्ने शुल्क सम्बन्धी स्पष्ट जानकारी भने प्राप्त भइसकेको छैन । यद्यपि कम्पनीले निश्चित रेन्टल चार्ज अथवा एकमुस्ट शुल्क लिएर उक्त साउण्ड बक्स उपलब्ध गराउने अनुमान गरिएको छ ।
डिजिटल वालेट तथा मोबाइल बैंकिङबाट भुक्तानी गर्दा एसएमएस तुरुन्तै नआउने, लिङ्क गरिएको मोबाइल मर्चेन्टको काउन्टरमै राख्नु पर्ने जस्ता समस्याका कारण उपभोक्ता र मर्चेन्टलाई झन्झट हुन थालेपछि पछिल्लो समय साउण्ड बक्स तथा डिजिटल स्क्रिन सहितका क्यूआर कोड उपलब्ध गराउने ट्रेन्ड नै सुरु भएको छ ।
बझाङ्ग ।गुगलले दुई वर्षसम्म निष्क्रिय जिमेल अकाउन्ट हटाउने घाेषणा गरिसकेकाे छ । यसअन्तर्गत १ डिसेम्बर २०२३ देखि दुई वर्षसम्म निष्क्रिय भएका अकाउन्ट हट्नेछन् ।
हामीले पनि आफ्ना लागि थुप्रै जिमेल अकाउन्ट बनाएका हुन्छौं । केही सम्झिएका हुन्छौं भने केही बिर्सिसकेका हुन्छौं । हाम्रो जिमलेको एड्रेस के थियो भन्ने पनि भुलिसकेका हुनसक्छौं ।
तपाईंले विभिन्न तरिकाहरू अपनाएर रिकभर गर्न नसकेको जिमेल अकाउन्ट गुगलको ‘फाइन्ड योर ईमेल’ पेजबाट भेटिन सक्छ । यसको अर्थ कुनै पनि फोन नम्बर वा ईमेल अकाउन्टसँग जोडिएको गुगल अकाउन्ट रिकभर गर्न सकिन्छ ।
आज हामी रिकभरी ईमेल वा फोन नम्बर राखेको कुनै पनि जिमेल अकाउन्ट कसरी फिर्ता ल्याउन सकिन्छ भन्ने विषयमा जानकारी दिँदैछौं ।
- त्यसपछि आफूसँग अहिले भएको फोन नम्बर वा ईमेल एड्रेस राख्नुहोस् ।
- अनि माथिको बक्समा आफ्नो पहिलो नाम र अर्को बक्समा थर राख्नुहोस् ।
- त्यसपछि 'नेक्स्ट' बटनमा क्लिक गर्नुहोस् ।
- यति गरेपछि तपाईंले राखेको फोन नम्बर वा ईमेल एड्रेसमा गुगलले भेरिफिकेसन कोड पठाउने उल्लेख गरिएको पेज देखिन्छ । त्यसमा ‘सेन्ड’ बटनमा क्लिक गर्नुहोस् ।
- त्यसपछि तपाईंको जिमेल वा फोन नम्बरमा एउटा कोड आउँछ । उक्त कोड ‘इन्टर कोड लेखिएको पेजमा देखिएको बक्समा राख्नुहोस् । अनि नेक्स्टको अप्सनमा थिच्नुहोस् ।
- यति गर्नुभयो भने उक्त फोन नम्बर वा ईमेल एड्रेसलाई रिकभरी अप्सनमा राखिएका जिमेल अकाउन्ट देखिन्छन् ।
-त्यहीमध्ये आफूले चाहेको जिमेल अकाउन्ट छान्नुहोस् ।
-यति गरेपछि उक्त अकाउन्टको लागि राखिएको पासवर्ड राख्न भनिएको हुन्छ । पासवर्ड छ भने पासवर्ड राख्नुहोस् । तर यदि छैन भने 'फर्गेट पासवर्ड'को अप्सनमा ट्याप गर्नुहोस् ।
- फर्गेट पासवर्डमा ट्याप गरेपछि त्यहाँ देखाइएको विकल्प छानेर पासवर्ड परिवर्तन गर्नुहोस् ।
यसरी तपाईं आफूले बिर्सिसकेको अकाउन्ट पनि रिकभरी ईमेल वा पिन नम्बरको सहायताले फेला पार्न सक्नुहुन्छ । त्यसबाहेक पनि आफूसँगै भएका कति अकाउन्ट एक्टिभ छन्, कति छैनन् भन्ने कुरा पनि माथिकै तरिका अपनाएर फेला पार्न सक्नुहुन्छ ।
यदि तपाईंको कुनै जिमेल अकाउन्ट हराएको छैन भने पनि तपाईं आफ्नो अकाउन्टमा रिकभरी फोन नम्बर वा ईमेल छान्नसक्नु हुन्छ । यस्तो हुँदा केही गरी जिमेल अकाउन्टको ईमेल एड्रेस बिर्सियो भने रिकभर गर्न सजिलो हुन्छ ।
more infomration :- टेक पाना
Posted by:- कोडिङ्ग बझाङ्ग आईटी क्षेत्रको महत्व (ग़ज़ल) कोडले बुनेका सपना, संसारै बदलिन्छ है, प्रविधिले दिएको उपहार, जीवनै सजिन्छ है। नेटव...
